Мектепішілік бақылауды жоспарлау, ұйымдастыру және іске асыру, білім беру процесінің сапасын мониторингілеу жолдарымен бөлісу мақсатында А.Байтұрсынұлы атындағы ЛМГ директорының әдістемелік жұмыс жөніндегі орынбасары Жантөре Мағрипа Қалдыбайқызының шығармашылық шеберханасының алғашқы отырысы өтті.

Білім беру саласындағы инновациялармен байланысты мектеп әкімшілігінен білім беру процесін тиімді іске асыру үшін өзгерістерді жоспарлау мен басқаруда жаңа тәсілдерді талап етеді. Осыған орай бақылауға және жақсартуға байланысты басқарушылық міндеттерді іске асыру үшін атқарылатын жұмыстар, білім беру процесін ұйымдастыруда білім беру ұйымы қызметінің барлық бағыттары бойынша мектепішілік бақылауды сапалы жоспарлау мен жүзеге асыру маңыздылығы теория мен практика жүзінде көрсетілді.